मुंबई : बंगाली अभिनेत्री (Actress) आणि तृणमूल काँग्रेसची खासदार (TMC MP Nusrat Jahan) नुसरत जहाँ आता आई झाली आहे. राजकारणी बनलेल्या अभिनेत्रीला बुधवारी संध्याकाळी कोलकाताच्या निओटिया रुग्णालयात दाखल करण्यात आले आणि आज दुपारी 12:20 वाजता तिनं एका मुलाला जन्म दिला आहे. नुसरतनं आज सकाळी हॉस्पिटलमधून एक फोटो शेअर केला होता. (Arrival of a new guest in TMC MP-Actress Nusrat Jahan life, gave birth to a baby boy)
नवऱ्यापासून विभक्त झाल्यानंतर चर्चेत
नुसरत काही महिन्यांपूर्वी तिचं लग्न तुटल्यामुळे चर्चेत आली होती. कोलकाता येथील उद्योजक निखिल जैन याच्याशी तिचं लग्न वादात सापडलं तेव्हा तिनं आपलं हे लग्न अवैध असल्याचं सांगितलं होतं. गेल्या वर्षी नोव्हेंबरपासून हे दोघं वेगळे राहत होते. नुसरतनं सांगितलं होतं की तिचं निखिलसोबतच लग्न अवैध आहे कारण ते तुर्की रीतीरिवाजांनुसार झालं होतं आणि भारतात विशेष विवाह कायद्यानुसार याला मान्यता नाही, त्यामुळे घटस्फोटाचं कारणच येत नाही. Bengali actress and MP Nusrat welcomes baby boy!
पती निखिल जैननं केले अनेक आरोप
यानंतर निखिलनं नुसरतवर अनेक आरोपही केले होते, त्यानं म्हटलं होतं की नुसरतनं त्याच्याकडून खूप पैसे घेतले होते आणि नुसरतच्या पोटातील मूल हे त्याचं नाही. निखिल आणि नुसरत यांनी 2019 मध्ये तुर्कस्तानच्या बोडरम येथं धूमधडाक्यात लग्न केलं होतं.
नुसरत अभिनेता यश दासगुप्ताला पाहत असल्याच्या अफवा आहेत आणि प्रसूतीदरम्यान तो नुसरतच्या शेजारी होता.
सुश्री जहानचे विभक्त पती निखिल जैन म्हणाले, “आमच्यामध्ये मतभेद असू शकतात, परंतु मी नवजात आणि त्याच्या आईला शुभेच्छा देतो. बाळाला उज्ज्वल भविष्य मिळावे अशी माझी इच्छा आहे. ”
==================================================================================================
