सदावर्ते कारागृहातून बाहेर येताच घोषणाबाजी सह सरकार विरोधी.. डंके की चोट पे

मुंबई : राष्ट्रवादी काँग्रेसचे सर्वेसर्वा शरद पवार (Sharad Pawar) यांच्या मुंबईतील निवासस्थानी झालेल्या हल्ल्यानंतर एसटी कामगारांचा न्यायालयीन लढा लढणारे गुणरत्न सदावर्ते (Gunratna Sadavarte) यांनी अटक करण्यात आली होती. त्यानंतर त्यांची सुरू झालेली जेलवारी तब्बल 18 दिवस चालली. पवारांच्या घरावर झालेल्या हल्ला प्रकरणात सदावर्ते यांना अटक करण्यात आली. त्यानंतर सातारा आणि कोल्हापूरातील त्यांच्यावर दाखल गुन्ह्याबाबत त्यांनी पोलीस कोठडी (Police Custody) आणि न्यायालयीन कोठडी सुनावण्यात आली.

त्यामुळे त्यांचा जेलमधील मुक्काम वाढला. त्यानंतर आज सदावर्ते यांना अटकेुपासून दिलासा मिळाला. त्यानंतर संध्याकाळी सव्वा सातच्या सुमारास गुणरत्न सदावर्ते यांना आर्थर रोड कारागृहातून बाहेर सोडण्यात आलं. त्यावेळी त्यांच्या पत्नी आणि वकील जयश्री पाटील, तसंच मुलगी झेन हे त्यांच्या स्वागतासाठी उपस्थित होते. कारागृहातून बाहेर येताच सदावर्ते यांनी जोरदार घोषणाबाजी केली. तसंच आपली पुढील वाटचाल आणि लक्ष्यही सांगून टाकलं. (As soon as Sadavarte came out of jail, anti-government allegations started with slogans)

‘विजय हिंदुस्थानी नागरिकांचा, एसटी महामंडळातील कष्टकऱ्यांचा’

कारागृहातून बाहेर आल्यानंतर सदावर्ते यांनी हम है हिंदुस्थानी अशा घोषणा द्यायला सुरुवात केली. त्यानंतर त्यांनी माध्यमांना प्रतिक्रिया दिली. ‘भारताच्या संविधानापेक्षा कुणीही श्रेष्ठ नाही. ही आहे झेन सदावर्ते माझी 13 वर्षाची मुलगी आणि ही आहे माझी पत्नी जयश्री पाटील आणि या मित्र परिवाराने या अन्यायाविरोधात मला साथ दिली. महाराष्ट्रातील देशातील हिंदुस्थानी कष्टकरी हे आमच्या सोबत राहिले.

यापुढे आमचा केंद्र बिंदू असेल भ्रष्टाचार, महाराष्ट्र सुजलाम सुफलाम करण्यासाठी जे जे करता येईल ते आम्ही करु. परंतू जय श्रीराम म्हणणारे, जय भीम म्हणणारे आणि वंदे मातरम म्हणणारे, हम है हिंदुस्थानी म्हणणारे जिंकत असतात. हा विजय हिंदुस्थानी नागरिकांचा, एसटी महामंडळातील कष्टकऱ्यांचा आहे. पुढेही बोलू आता तूर्त इतकंच’, असं म्हणत सदावर्ते गाडी बसले आणि आपल्या घराकडे निघून गेले. मात्र, पुढे आपण बोलणार असल्याचंही सदावर्ते यांनी जाहीर केलंय.

जेलमधील 18 दिवस कसे गेले?

गुणरत्न सदावर्ते यांनी आपले जेलमधील 18 दिवस कसे गेले हे देखील सांगितलं. ‘मी पहिल्यांदा पोलीस कस्टडीत होतो तिथे एक पोलीस शिपायाचा जीव वाचवू शकलो. तिथे एका पोलीस शिपायाला हृदयविकाराचा झटका आला होता. कोणत्याही फौजदाराला प्रथमोपचार माहिती नव्हते. मी त्यांना आर्टिफिशियल रेस्पिरेशन देऊन वाचवू शकलो. मी ज्या ज्या लॉकअपमध्ये गेलो तिथे त्यांना योगाचं शिक्षण दिलं. मी स्पिरिच्यूअल टॉक केले. मला एक माहिती तुम्ही कुठेही जा, तुम्ही वाईटातील वाईट बाजूला करुन चांगल्यांना चांगलं शिकवू शकता. हे मी 18 दिवसांत अनुभवलं’, असंही सदावर्ते यांनी सांगितलं. (As soon as Sadavarte came out of jail, anti-government allegations started with slogans)

हे ही वाचा ======

• हा हिंदूत फुट पाडणारा राक्षस; कालीचरण महाराजांची मनोज जरांगे पाटील यांच्यावर जहरी टिका
• Maharashtra Assembly Elections -2024 प्रचाराच्या तोफा आज सायंकाळी 5 वाजल्यापासून थंडावल्या.
• बाभळीच्या शेंगा हे आयुर्वेदातील एक महत्त्वाचे औषध; जाणून घ्या फायदे |Acacia pods are an important medicine in Ayurveda; Know the benefits
• Former Cricketer Sanjay Bangar Son Aryan Gender Transformation To Anaya | टिम इंडियाचा माजी क्रिकेटर संजय बांगरचा मुलगा आर्यन बांगर लिंग परिवर्तन करुन मुलगी अनया बांगर झाला
• देवगिरी संस्थेच्या विद्यार्थ्यांचा अविष्कार २०२४ स्पर्धेत विभागीय पातळीवर सुवर्ण कामगिरी