मुंबई : गुणरत्न सदावर्तेंना (Gunratna Sadavarte) 14 दिवसांची न्यायालयीन कोठडी (Judicial Custody) देण्यात आली आहे. गुणरत्न सदावर्ते यांच्या अडचणीत दिवसेंदिवस वाढ होत आहे. त्यांचा कोठडी मुक्का काही केल्या संपत नाहीये. गेल्या चार दिवसांपासून कोठडीत असलेले गुणरत्न सदावर्ते यांना आज त्यांची कोठडी संपल्याने कोर्टात हजर करण्यात आलं होतं. राष्ट्रवादीचे अध्यक्ष शरद पवार यांच्या घराबाहेर एसटी कर्मचाऱ्यांनी (St Worker Protest) केलेल्या आंदोलना प्रकरणी गुणरत्न सदावर्ते यांना अटक करण्यात आली होती. (Sadavarten was remanded in judicial custody for 14 days)
या आंदोलनानंर जोरदार आरोप प्रत्यारोप सुरू झाले होते. 8 एप्रिलला शरद पवारांची निवास्थान सिल्व्हर ओक येथे एसटी कर्मचाऱ्यांची चांगलेच आक्रमक आंदोलन केले होते. गेल्या अनेक दिवसांपासून राज्यात एसटी कर्मचाऱ्यांचं आंदोलन सुरू होतं. या आंदोलकांची बाजु कार्टात वकील गुणरत्न सदावर्ते मांड होते. आज सदावर्तेंना कोर्टात हजर केल्यानंतर दोन्ही बाजुने जोरदार युक्तीवाद करण्यात आला.
कोर्टात काय झालं?
सरकारी वकील प्रदीप घरत यांनी सदावर्तेंची सात दिवसांची कोठडी मागितली होती. तर या कोठडीची आता काहीही गरज नसल्याचा युक्तीवाद सदावर्तेंच्या वकिलांनी केला. गुणरत्न सादवर्ते यांच्या पत्नी वकील जयश्री पाटील यांच्यावरही आता आरोप करण्यात आले आहेत. या प्रकरणात जयश्री पाटील यांचाही सहभाग आहे, असे म्हणत सरकरी वकील प्रदीप घरत यांनी कोर्टाचे लक्ष वेधले. खासकरून एसटी कर्मचाऱ्यांकडून दीड कोटीपेक्षा जास्त रक्कम गोळा केली गेली, असा आरोप करण्यात आलाय. तसेच ही रक्कम गोळा करण्यात जयश्री पाटील यांचा मोठा रोल असल्याचे सरकारी वकील प्रदीप घरत यांनी कोर्टाला संगितले आहे. दोन्ही बाजुच्या वकीलांनी यावेळी जोरदार युक्तीवाद करत एकमेकांची आरोप खोडून काढण्याचा प्रयत्न केला आहे.
जयश्री पाटील यांच्यावरही आरोप
आज पुण्यातून या आंदोलनाप्रकरणी एकाला ताब्यात घेण्यात आले आहे. तर नागपुरातील व्यक्तीचा शोध सुरू आहे. त्या व्यक्तेची नाव बाहेर उघड करण्यात आले नसले तरी, कोर्टासमोर पोलिसांच्या माध्यमातून हे नाव सांगण्यात आले आहे. लवकरच या व्यक्तीला अटक करू असा दावाही पोलिसांनी यावेळी कोर्टात केला आहे. अशी माहिती समोर आली आहे. सदावर्तेंच्या पत्नी जयश्री पाटील यांना या माध्यमातून 80 लाख रुपये मिळाल्याचेही सांगण्यात आले आहे. तर हा तपास भरकटलेला आहे. यात पोलिसांच्या हाती काहीही लागले नाही, असा युक्तीवाद सदावर्तेंच्या वकिलांनी केला आहे. तसेच जयश्री पाटील नाव यांचं नाव एफआयआरमध्ये कुठेच नाही तर त्यांना आरोपी म्हणता येणार नाही. तर त्यांना सहआरोपी करण्यात येणार नाही, असेही सांगण्यात आले.
==================================
- India Post Office Bharti | भारतीय डाक विभागात Garmin Dak Sevak पदांच्या एकूण २१४१३ जागा
- लाडकी बहीण योजना विषयी मंत्री आदिती तटकरे यांनी केली महत्वपूर्ण घोषणा
- शिवद्रोही राहुल सोलापूरकरच्या “आग्र्याहून सुटका” ऐतिहासिक घटनेबद्दल वक्तव्यचा दूरगामीकाय परिणाम होतो. कोणत्या गोष्टीला हानी पोहोचवते.
- जालना शहरातील कस्तुरबा गांधी बालिका विद्यालयात वार्षिक स्नेहसंमेलनसह पालक मेळावा, बाल विवाह जनजागृती कार्यक्रमाचे आयोजन
- अंजली बदनामिया यांनी माझ्यावर केलेले कृषी साहित्य खरेदी घोटाळ्याचे आरोप खोटे धनंजय मुंडे यांचा पलटवार
