तीव्र उष्णतेमुळे मुक्या प्राण्यांना पक्षांना तहान भागविण्यासाठी मंडळाचा उपक्रम… Distribution of soil pellets in Mahur under the “Handful of Grain, A Glass of Water” scheme by the Nature and Environment Pollution Prevention Board.
माहूर:- (प्रतिनिधी ज्ञानेश्वर कऱ्हाळे )निसर्ग व सामाजिक पर्यावरण प्रदूषण निवारण मंडळ महाराष्ट्र राज्य यांच्या वतीने मराठवाडा /विदर्भ दौऱ्यानिमित्य माहुर येथे “मूठभर धान्य घोटभर पाणी ” या उपक्रमा अंतर्गत माहुर तालुक्यातील राष्ट्रमाता गुरुकुल माध्यमिक विद्यालय हडसनी येथे मातीच्या भाड्याचे (परळ) वाटप करण्यात आले.सध्या पडलेल्या तीव्र उष्णतेमुळे मुक्या प्राण्यांना,पक्षांना अन्न- पाण्याचा तुटवडा जाणवतं असून त्यांना मदतीचा हात देण्याचा हा प्रयत्न असून माहुर तालुक्यात हा स्तुत्य उपक्रम ठरला आहे.
या उपक्रमात मराठवाडा – विदर्भ दौऱ्यानिमित्य माहुर येथे उपस्थित मंडळाचे राज्य अध्यक्ष सन्माननीय प्रमोद दादा मोरे, उपाध्यक्ष प्रकाश केदारी, कार्याध्यक्ष संतोष परदेशी ,राज्य संघटक प्रा. डॉ.नानासाहेब गोपने,राज्य उपाध्यक्ष श्री ज्ञानेश्वर कऱ्हाळे सर, नांदेड जिल्हा अध्यक्ष श्री सारनाथ लोणे सर, हिंगोली जिल्हा अध्यक्ष सौ व श्री रमेश यमलवाड इत्यादी मान्यवर व बहुसंख्येने पर्यावरण प्रेमी, स्नेही बंधु भगिनी उपस्थित होते.
भुतदया म्हणजे प्राणी मात्रा वर दया करा..मुक्या जीवांची काळजी घ्यावी हा संदेश यानिमित्ताने संपूर्ण मराठवाड्यात व विदर्भात देण्यात आला.. वन्यजीव, पशुपक्षी व वन्यप्राणी यांना जीव लावावा.ते बोलु शकत नाहीत म्हणून पावसाळ्या पर्यंत त्यांची अन्न पाणी यांची सोय करावी.त्यासाठी सहकार्य करावे..असे मंडळाचे अध्यक्ष प्रमोद दादा मोरे यांनी सांगितले …
